ادخل على الله

الله خلق لي قلب من شـان يسقيـك
ويصب لك ريق الغلا كـاسٍ بكـاس
وروحي خلقها الله على شان تعطيـك
حبٍ بديهـي مالـه حـدود وقيـاس
آمر تدلل قـول وش بـس يرضيـك
وأجيك ضل وفي لضى القيض نسناس
لا صار قلبي يا هوى الـروح يبغيـك
ما فيه داعي تجمع أخماس وأسـداس
مشاعري بالحب فـي راحتـك شيـك
مصدقه قلبي ما هـو بنـك الأفـلاس
تعال خـل الطيـر يصـدح حواليـك
وأدخل بقصرٍ فيه الأشـواق حـراس
اليـك منّـك ومنّـك للحـب وأليـك
يجري غرامك بين روحي والأنفـاس
هرجك عسل ومصافحة صدرك الكيـك
ونبضك رعد والمزن في ثورة أحساس
ووصلك عمر .. والصدق يطرد تعاليك
يعني خليط من الجواهـر والالمـاس
وتلومني لا ذبت مـن لمسـة ايديـك
ادخل على الله لا تشمتّ بـي النـاس
امشي براحه بـس داخـل اراضيـك
وما همني لودست من فوق الأمـواس
لني أحبـك حـب مـا فيـه تشكيـك
حبٍ مضامينه مـن الـراس للـراس
ما هو بحـب البهرجـه والصعاليـك
حب الطهاره فيـه عـزه ونومـاس
لو أنحر حروفـي كـرم مـا توفّيـك
لنك حبر مـن دم والقلـب قرطـاس
أأأواااه يا ما أحلى غـداري مساريـك
لا صرت نور ٍ يحمل أسرار وأحساس
أنت حبيبـي مـا بـه أحـدٍ يحاليـك
لنك بحر مـا يدهلـه كـل غطـاس